ដូចដែលពាក្យចាស់ពោលថា (សូវឲ្យលិ..ច..ទូ..កកណ្ដាលទន្លេ កុំឲ្យតែជួបគ្រោះ..ភ្លេី..ងឆេះ..ផ្ទះ) អ..គ្គីភ័..យនឹងបំ..ផ្លា..ញអ្វីៗទាំងអស់ក្នុងរយៈពេលតែមួយ ប៉ប្រិចភ្នែកតែប៉ុណ្ណោះ ។

 

ខេត្តកណ្តាល : នៅព្រឹកថ្ងៃច័ន្ទ ទី២៦ ខែ កុម្ភៈ ឆ្នាំ ២០២៤ ស្ថិតនៅចំណុចច្រមុះជ្រូក ខាងមុខនាវាសួនច្បារមាត់ទន្លេក្រុងតាខ្មៅ ខេត្តកណ្តាល មានប្រារព្ធពីធី

ទិវាជាតិ បង្ការ ពន្លត់អគ្គីភ័យ និងសង្គ្រោះលេីកទី៥  ក្រោមអធិបតីភាព ឯកឧត្តម ណុប ដារ៉ា អភិបាលរង នៃគណៈអភិបាលខេត្តកណ្តាល។

ភ្ញៀវកិត្តិយសអញ្ជើញចូលរួមក្នុងកម្មវិធីមានដូចជា÷

- ចៅសង្កាត់ទាំង ១០ និងមេភូមិ ចំនួន ៦៩ នាក់

- មន្រ្តីនគរបាល នៃស្នងការដ្ឋាននគរបាលខេត្ត ចំនួន ៦០ នាក់

- មន្រ្តីកងរាជអាវុធហត្ថខេត្ត ចំនួន ៣០ នាក់

- មន្ត្រីតំបន់សឹករងកណ្តាល ចំនួន ៣០ នាក់

- លោកអធិការនគរបាលគ្រប់ស្រុក/ក្រុង ចំនួន ១៣ នាក់

- លោកមេបញ្ជាការកងរាជអាវុធហត្ថគ្រប់ស្រុក/ក្រុង ចំនួន  ១៣ នាក់

- លោកគ្រូ អ្នកគ្រូ សិស្សានុសិស្ស ចំនួន ២១០ នាក់

- លោក លោកស្រីប្រធានក្រុមហ៊ុនឯកជន ចំនួន ៦០ នាក់

- ប្រជាការពារ ចំនួន ៣៦ នាក់

- ប្រជាជន ចំនួន ២០០ នាក់

*សរុប:* ៧៧៣ នាក់

ចាប់ផ្ដើមនៃកម្មវិធី លោកឧត្តមសេនីយ៍ត្រី សារុន ពិសិដ្ឋ ស្នងការរងទទួលបន្ទុកការិយាល័យ បង្ការពន្លត់អគ្គីភ័យ និងសង្គ្រោះ បានអានរបាយការណ៍ស្វាគមន៍ និងរាយការណ៍ លិទ្ធផលការងារក្នុងឆ្នាំ២០២៣ ជូនគណៈធិបតី និងភ្ញៀវកិត្តិយសដែលបានអញ្ជើញមកចូលរួមក្នុងកម្មវិធីនេះឲ្យបានជ្រាបផងដែរ។

បន្ទាប់មកគណៈប្រតិភូព្រមទាំងភ្ញៀវកិត្តិយសទាំងអស់ ក៏បានអញ្ជើញទស្សនាកម្មវិធី សកម្មភាពលំហាត់អនុវត្តពន្លត់អគ្គិភ័យ របស់ការិយាល័យនគរបាលបង្ការ ពន្លត់អគ្គិភ័យ និងសង្គ្រោះ ដឹកនាំដោយលោក វរសេនីយ៍ឯក ផាន់ វណ្ណី នាយផ្នែកការិយាល័យនគរបាលបង្ការពន្លត់អគ្គិភ័យ និងសង្រ្គោះ នៃស្នងការដ្ឋាននគរបាលខេត្តកណ្ដាល។

 #ដោយលំហាត់ចែកចេញជា ៤ប្រភេទ ÷ 

១. ការចាក់ប្រេងដុត ដោយប្រើប្រាស់បំពង់ពន្លត់អគ្គិភ័យ។

២. ដុតធុងហ្គាស ដោយប្រើបំពង់ពន្លត់អគ្គិភ័យ។

៣. ដុតធុងហ្គាស ដោយបាញ់ទឹករថយន្តអគ្គិភ័យ។

៤. ដុតផ្ទះ ដោយបាញ់ទឹករថយន្តអគ្គិភ័យ។

កម្មវិធីនេះត្រូវបានបញ្ចប់ ប្រកបដោយភាពជោគជ័យ និងរីករាយក្រៃលែង នៅវេលាម៉ោង០៩:៣០នាទី នាថ្ងៃ ខែ ឆ្នាំ ដដែល។

ក្រោយពីកម្មវិធីត្រូវបានបញ្ចប់ លោកវរសេនីយ៍ឯក ផាន់ វណ្ណី

 នាយផ្នែកការិយាល័យនគរបាលបង្ការពន្លត់អគ្គិភ័យ និងសង្រ្គោះ នៃស្នងការដ្ឋាននគរបាលខេត្តកណ្ដាល ក៏បានផ្តល់បទសម្ភាសន៍ដល់អង្គភាពសារព័ត៌មានយេីងថា÷ ក្រោមការ ដឹកនាំយកចិត្តទុកដាក់ និងចង្អុលបង្ហាញរបស់លោកស្នងការខេត្តកណ្តាល  ក្នុងនាមលោកដែលជានាយផ្នែនាយផ្នែកការិយាល័យនគរបាលបង្ការពន្លត់អគ្គិភ័យ និងសង្រ្គោះ នៃស្នងការដ្ឋាននគរបាលខេត្តកណ្ដាល។

បានប្តេជ្ញាចិត្តថា នឹងខិតខំយកចិត្តទុកដាក់ដឹកនាំកម្លាំងបង្ការពន្លត់ និងសង្រោ្គះអគ្គីភ័យ ឲ្យទាន់ពេលវេលា ជួយទៅដល់បងប្អូនប្រជាពលរដ្ឋរងគ្រោះក្នុងហេតុការណ៍គ្រោះអគ្ញីភ័យ ដេីម្បីកាត់បន្ថយក្នុងការខូចខាត និងបាត់បង់ទ្រព្យសម្បត្តិរបស់បងប្អូនប្រជាពលរដ្ឋយេីង។  ហេីយក៏សូមសំណូមពរទៅដល់បងប្អូនប្រជាពលរដ្ធទាំងអស់ សូមមានការប្រុងប្រយ័ត្នឲ្យបានខ្ពស់ចំពោះអគ្គីភ័យ ក្នុងករណីមានគ្រោះអគ្គីភ័យបន្ទាន់ សូមបងប្អូនប្រញាប់រាយការណ៍ទៅអាជ្ញាធរ ឬទាក់ទងផ្ទាល់មកលោកតាមរយៈលេខទូរស័ព្ទ.......?  ដេីម្បីឲ្យលោកជួយអន្តរាគមន៍ឲ្យបានទាន់ពេល ទាន់វេលាផង ៕

អត្ថបទ : សេរីភាព ចក្រវាឡ